طريقة عمل الملوخية بالجمبرى 

الطريقة الاولى :

المكونات:
كيس ملوخية جاهز
½ كيلو جمبري مقشر
ملعقة كبيرة ثوم مهروس
1 مكعب مرق
3 كوب ماء
½ ملعقة ملح
½ ملعقة فلفل أسود
½ ملعقة كزبرة ناشفة
¼ ملعقة سكر
3 ملاعق زيت
طريقة تحضير ملوخية بالجمبري:
أولاً في حلة علي النار قومي بوضع الزيت فيها ونضع عليه ملعقة صغيرة من الثوم ولما يتغير لون الثوم حبة ضيفي إليه الجمبري ثم قلبيهم مع جيدًا، حتى يتغير لون الجمبري.
ضيفي الماء ومكعب المرق والملح والفلفل والسكر واتركي الجمبري على النار حتى الغليان مع الماء. بعد الغليان، ضيفي كيس الملوخية أو الملوخية طازجة بمقدار نصف كيلو بحسب ما تفضلين وبحسب ما هو متاح لديك، ثم قلبي الملوخية مع الجمبري على نار هادئة ولكن تجنبي تغطية الوعاء حتى لا تتركز الملوخية في أسفله، فاتركيها دون غطاء. ابدئي في تجهيز التقلية، بوضع مقدار من الزيت في مقلاة وملعقة صغيرة من الثوم و1/2 ملعقة من الكزبرة الناشفة حتى تأخذ اللون الذهبي ثم ضيفيهم مع الملوخية، وقلبي الخليط جيدًا، ثم اطفئي النار. 

الطريقة الثانيه لعمل الملوخيه بالجمبري

المقادير
نص كيلو جمبري بقشره
كيس ملوخيه مفرز او فرش مخروطه
معلقتين صلصه طماطم
بصله مفرومه
راس ثوم
معلقتين كسبره ناشفه
ملح وفلفل اسود
معلقه سكر
قرن فلفل اخضر حامي
مرقه دجاج
مستكه وحبهان وورق لوروا
الطريقه

اول حاجه نقشر الجمبري ونحتفظ بالقشر ونضع مايه علي النار تقريبا نص الحله ونضيف الصلصه والبصله والمستكه والحبهان وورق اللوروا والمرقه وقشر الجمبري ونسبهم يغلوا علي النار ونهدي النار علشان نعمل المرقه بتاعه الجمبري
تقريبا نص ساعه نصفي المرقه كويس من القشر ونحطها علي النار وممكن نزودها شويه لو قلت حسب كميه الملوخيه ونعمل المراحل العاديه بتاعت الملوخيه
تفرومي الثوم والفلفل الاخضر والكسبره وناخد نصف المقدار ونضيفه للشوربه ونضيف معلقه صغيره سكر
وبعدين نسبها تقريبا ربع ساعه تغلي ونضيف الجمبري المقشر مع جزئ من طشة الثوم لمدة 7 دقايق لغاية ما يستوى وياخد لون وبعدين ننزل بيه فى الملوخيه ونسيبهم مع بعض دقيتين تلاته علشان الجمبري مش المفروض يغلي كتير علشان ما يجلدش واول ما الملوخيه تغلي غلوه واحده نضيف باقى التقليه وهي باقي الثوم الي فرمناه مع الكسبره نحمره لحد ما يبقه زهبي ونضيفه للملوخيه وطبعا بنعمل جانبها رز ابيض وصحتين وعافيه عليكم