افضل اختبار لتحليل الشخصية وطريقة اختيارك لشريك حياتك

اختبار لتحليل الشخصيه وطريقتك ف اختيار شريك حياتك 



 لو انتى ماشي ف مكان ودخلتوا غابه انت وشخص واحد بس .

مين اول شخص جه ف بالك دلوقت .

فجأه وانتوا ماشيين طلعلكوا حيوان .. 

ايه حجم الحيوان دا ووصفه ؟

وهتعملوا ايه معاه .. هتهربوا منه ولا هتواجهوه ؟

بعد كده وانتوا ماشيين قابلتوا بيت .. تخيل شكل البيت ..

اوصفه بقى .. هل كان حواليه سور ولا لأ ؟

بعدما دخلتوا جوا البيت لقيته طرابيزة سفرة وعليها معلقه اكل وجمبها طبق..

اوصفلى شكل المعلقه والماده اللى مصنوعه منها ؟

بعدها قررتوا تطلعوا برا البيت .. اول ما طلعتوا لقيتوا صندوق .. 

اوصف شكل الصندوق وهل هو كان مقفول ولا لأ

بتبص جمب الصندوق بعيد لقيت حصان مربوط ..

اوصف شكل الحصان ولونه كان ابيض ولا اسود ولا بنى .

فجأه وانتوا برا البيت لقيتوا سلالم مش موجوده قبل كده ..

اوصفلى شكل السلالم دى وهل كانت طالعه لفوق ولا نازله لتحت .

بعد ما طلعتوا او نزلتوا السلالم دى لقيتوا نفسكم ف مكان محبوسين فيه .. ومفيش غير فتحه صغيره تبص منها بعينك .

وانت بتبص لقيت شخص مغمى وشه ظهر فجأه وجه وانقذكم بالفعل ..

بعد ما طلعتوا شيلت الحاجه اللى كان مغطى بيها وشه .. 

قولى تخيلت الشخص دا يبقى مين ؟


الاجابه .. 

مستعدين ؟ 

الشخص اللى انت تخيلت انه موجود معاك ف الغابه دا اهم شخص ف حياتك الفتره دى .

وبالنسبه للحيوان اللى طلعلك وحجمه .. ف حجم الحيوان دا هو حجم الضغوطات والمشاكل اللى  بتواجهك حاليا 

وهل هتجرى منه ولا تواجهه .. دى الطريقه اللى بتواجه بيها مشاكلك دلوقت .

بعد كده البيت وهل كان فيه سور ولا لأ .. لو مكانش فيه سور يبقر انت شخص تفكيره متفتح .. ولو كان فيه سور يبقى انت شخص تفكيره محدود ومش متفتح اوى .

بعد ما دخلت البيت وشوفت المعلقه .. 

لو كنت شايفها مصنوعه من المعدن ف انت علاقتك بالشخص دا كويسه جدا ..

انما لو مصنوعه من بلاستيك او خشب .. فانت علاقتك بيه مش قويه أوى 

بالنسبه للصندوق .. ف انت لو كنت تخيلت الصندوق دا مقفول .. ف انت شخص بتميل للخصوصيه جدا ومش بتحكى اسرارك لحد ..

 ولو تخيلته مفتوح ف انت شخص حياتك مفتوحه للجميع وبتحكى للناس عادى خالص .


بالنسبه بقى لسؤال لون الحصان..

لأن السؤال دا بيعكس طريقة اختيارك لشريك حياتك 

ف لو انت اخترت الابيض ف انت شخص بيدور ع الشكل والشخصيه .

ولو اخترت الاسود  ف انت شخص بتدور ع الشكل اكتر من الشخصيه 

ولو اخترت البنى  ف انت شخص بتدور ع الشخصيه اكتر من الشكل .

بالنسبه لسؤال اتجاه السلالم .

ف لو السلالم طالعه لفوق ف دى نظرتك للحياه نظره متفائله .

انما للأسف لو نازله لتحت .. ف انت عندك بعض التشائم .

وبالنسبه للشخص اللى انقذكم دا .. ف دا شخص مش هتنساه ف حياتك .


أحدث أقدم

اعلان داخلى 1