JavaScript is not enabled!...Please enable javascript in your browser

جافا سكريبت غير ممكن! ... الرجاء تفعيل الجافا سكريبت في متصفحك.

مؤتمر ايلون ماسك يناقش موضوع خيال علمى فى بث مباشر -->
مؤتمر ايلون ماسك يناقش موضوع خيال علمى فى بث مباشر

مؤتمر ايلون ماسك يناقش موضوع خيال علمى فى بث مباشر

Dr Amr Elmaghraby

 

طيب يا جماعة اختصار المؤتمر اللي لسه حاصل من شوية وموضوع الشريحة اللي شركة Neurolink الخاصة بإيلون ماسك صنعتها، اللي محضرش الساعة اللي فاتت، احنا تاريخنا كله اتحول دلوقتي وكل حاجة كنا بنقرأ عنها في روايات الخيال العلمي خلاص مبقتش خيال علمي .



دي نقط مختصرة للكلام اللي اتقال فا اللي حابب شير وعرف غيرك، لو نسيت اي نقطة فكروني بيها في الكومنتات وهضيفها .

- الشريحة اتصنعت بالفعل، اخدت الموافقة، وتم تجربتها .


- للي هتتركب عنده مش هتكون باينة، محدش يقدر يعرف مين مركبها ومين لأ .. ايلون ماسك نفسه قال انا ممكن اكون مركبها دلوقتي ومحدش هيعرف .


- الشريحة بصورة مبدئية بتقرأ كل حاجة في دماغك وكل مادة كيميائية وبالتالي بتقدر تخطط وتتوقع وتظبط الوظائف بتاعتك .


- المنطقة اللي الشريحة بتتزرع فيها بتسمحلها تعالج مشاكل السمع، البصر، اي مشاكل ليها علاقة بالذاكرة، اي مشاكل نفسية، الادمان، التوحد .. الخ .


- التطوير بتاعها هيسمحلها لو في اي مشكلة في الاعصاب عمومًا تصلحها، لو الحبل الشوكي اتقطع وانت مصاب بالشلل، هتعالجك. شخص فقد بصره، هتصلح الاعصاب وترجعه وهكذا..


- تقدر تتواصل بيها مع موبايلك واجهزتك الالكترونية ( وعربية تسلا بس معرفش باقي العربيات هيبقى نظامها ايه )، وبعدها طبعًا التواصل الاجتماعي والجيمز وكل الكلام ده . 


- التطوير اللي بعده في الخطة انها تقدر تلغي بيها الشعور بالألم، والشعور بالحزن ، تتحكم في ذكرياتك واحلامك وتخزنها وتقدر تسترجعها وقت ما تحب وتحذف وتعمل داونلود لذكرياتك كلها كـback up أو حتى تعملها داونلود على روبوت . لو حاسس انك متضايق من حاجة معينة تقدر تشغل الذاكرة الكويسة وتلغي السئ فورًا .


- التطوير بتاع الشريحة هيسمح بالتخاطر، والبرمجة العقلية . بس هيتحط طبعًا شرط موافقة ارسال واستقبال علشان محدش يدخل اي حاجة في دماغك في اي وقت .


- في بداية نزولها هتبقى غالية وبعدها هتبقى متوفرة في كل مكان وبنفس سعر الأيفون تقريبًا ومتاحة للجميع . وهينزل منها نسخ مطورة ومعدلة تقدر تشيل القديم وتحط مكانه الجديد على مدار السنين اللي جاية .


- في خطوة تانية في الاخر هي " القدرات البشرية الفائقة " ، مدى بصري اكبر، مدى سمع اعلى، تشغيل والغاء مشاعر .. الخ . ده طبعًا لسه محصلش بس اعلنوا انه جاري العمل عليه في الخطة ، كجزء من محاولتنا لمواكبة الطفرة اللي هتحصل في الذكاء الاصطناعي علشان منقعش ونواجه ازمة وجود .


- الشريحة " متوقعين " بنسبة كبيرة تساعدنا نفهم الافكار والوعي بييجي منين وتفسيره ايه وبيحصل ازاي وليه احنا مميزين بيه . علميًا !! .


- الشركة شغاله على افضل برمجة لحفظ سياسة الخصوصية، بحيث محدش يقدر يخترق بياناتك أو يوصل للداتا اللي هتكون في الشريحة دي .


بس كدة، مش عارف اقول مبروك للأجيال اللي حاضرة دلوقتي انها شافت الـShift اللي حصل لمستقبلنا ده ، ولا اقلق، ولا رد فعلي يكون ايه . هحتاج فترة اعتقد استوعب اللي لسه شايفه من شوية ده بس عمومًا احنا حياتنا اتغيرت تمامًا اهي ، اهلًا بيكم في الواقع الجديد حيث التكنولوجيا والانسان كيان واحد!!.