تقرير تفصيلي عن مدينه الغردقة
واهم الاماكن فيها
وافضل طريقه لقضاء وقت ممتع بها
الغردقة هي مدينة ساحلية تقع على البحر الأحمر في مصر.
تتميز بشعاب مرجانية خلابة ومياه فيروزية مثالية لركوب الأمواج، مما جعل منها منتجعًا يعج بالسياح
.jpeg)
الغردقه في خمس كلمات
معظم الناس اللي بتيجي الغردقة بتسال،يا جماعه ايه اللي ممكن يتعمل في الغردقه.
انا هاقولك كل اللي ممكن يتعمل في الغردقه وانت بقي اختار اللي يناسبك
أولا الرحلات.
الاكواريم
فيه 3اكواريم يتناسبوا مع كل الأحوال المادية.
-جراند اكواريم (بمنطقه مجاويش)
-اكواريم الدهار (حي الدهار امام مستشفي الغردقه العام)
-اكواريم الاحياء(الشهير باكواريم حامد جوهر/الاحياء بجوار كليه التربيه)
الغردقه جراند اكواريوم
وهو من الأماكن الحلوه في الغردقه وتعتبر اكبر اكواريوم في الشرق الأوسط وشمال افريقيا وال ٧ علي العالم
هتشوف فيها كل أنواع السمك الجميله اللي مش هتشوفها غير لو غطست و كمان أسماك القرش و في كمان أسماك بتعيش في المياه العذبه زي الأمطار زي أسماك الكوي و البنجاسيوس ودول من شرق آسيا
وفيها كمان حديقه حيوان مصغره ومتحف حفريات فيه هيكل لحوت ضخم يرجع تاريخه لملايين السنين وده هتشوفوه في الصور
دولفين شو 
-دولفين شو مكادي (مدخل مدينه مكادي)
-فيه دولفين شو خلف مطار الغردقه بجوار سفاري لاند
mini Egypt
(مدخل مدينه مكادي،بجوار دولفين شو)
مدينه الرمل او متحف الرمل
(امام فندق صن رايز مملوك،منطقه القري، بجوار سنزو مول).
المراكب ذات النوافذ البانوراميه
(سي سكوب/ميرميد وخلافه)
جلاس بوت.
الغواصه سندباد.
سهره الف ليله وليله (فندق الف ليله وليله كل يوم مساءا)
الرحلات البحرية في الغردقه
*محميه
*اورانج باي
*رويال يوتوبيا
*دولفين هاوس
*بارادايز
*سوبر جفتون
*الجونه.
الغطس:
.jpeg)
.jpeg)
الغطس ده باختصار مش مجرد رحله أنت بتستمتع بيها، ده هو المتعه ذاتها.
لو عندك مشاكل الدنيا والآخرة، مجرد انك تنزل تحت الميه هتنسي الدنيا وما فيها
السفاري في الغردقه
.jpeg)
فيه برامج مختلفه للسفاري، اشهرهم الآتي:
*رحله شروق (ساعه ونص ركوب بيتش باجي+ركوب جمل+شيشه وشاي)
.jpeg)
*رحله غروب(نفس برنامج رحله الشروق )
*برنامج الحفله وده ليه مسميات كتير ،علي اعتبار أن كل منفذ رحله بيسميها براحته(بدويه/سوبر سفاري/ميجا سفاري/ديسكفري ومسميات تانيه كتير،والبرنامج تقريبا واحد.
45دقيقه موتوسيكلات بيتش باجي
10دقائق سبيدر كار او باجي.
ركوب جمال
ركوب خيول
بيت زواحف
عشاء باربيكيو
حفله (رقص شرقي/تنوره شو)
.jpeg)
المطاعم في الغردقه
بص من الاخر كده ، مينفعش تيجي الغردقه وتمشي من غير ما تاكل في مطعم سمك !!
ممكن مثلا واحد يقولي ده احنا في الفندق الفلاني بياكلونا جمبري جمبو!!!
هاقوله سيبك بس من الكلام الفاضي ده واطلع علي ستار فيش(شارع الشيراتون) . ولو امكانياتك متسمحش يبقي الحلقه(أمام حلقه السمك بجوار مارينا الغردقه ).وهتعرف بعد كده انا ليه باقولك ان اكل السمك والجمبري في مطاعم الفنادق حتي لو خمس نجوم لا يقارن بالمتخصصين، التخصص مطلوب يا جماعه في كل حاجه
*ماكدونالدز :
فيه 3 ماكدونالدز في الغردقة
-ماكدونالدز الشيراتون أمام فندق ريجينا .
-ماكدونالدز الممشي ، بجوار فندق سندباد ، سبلانادا مول .
-ماكدونالدز سينزو /سينزو مول.
*فول وطعميه(يبقي عليك وعلي ابو ايه ،فول ابو ايه )
لو عايز اخرج وتمشي؟
ممكن المارينا والممشي السياحي،ممكن بالليل تاخد العربيه وتروح الجونه..
ديسكوهات:
*ليتل بودا (الممشي السياحي، بجوار فندق السندباد وسيفا جراند، هتدخل تلاقي بودا قاعد بكرشه منتظرك ورافع ايده ، في الغردقه وشرم