أخر الاخبار

طريقة عمل الفطير المشلتت

 اسهل طريقة لعمل الفطير المشلتت في المنزل

الفطير المشلتت 




المقادير:
كيلو دقيق
نصف معلقة ملح صغيرة
معلقة كبيرة سكر
حوالي كوبين ونصف ماء دافي بسيط
سمنة بلدي للفرد
طريقة التحضير 

- ننخل الدقيق ونضيف عليه السكر والملح ونضيف المياة بالتدريج ونعجن كويس جداً حوالي 20 دقيقة لحد ما العجينة تمط وبعدين نكورها كور متساوية في حجم حبة اليوسفي تقريباً وندهنها زيت ونسيبها ترتاح شوية.
- ندهن الرخامة زيت ونفرد كورة كويس وندهنها سمنة بلدي ونطبقها ظرف والكورة الثانية نفردها كويس وندهنها سمنة بلدي (كل ما زودنا الكمية هيبقى أحلى طبعاً) ونحط فيها الظرف الأول وندهن سمنة وقشطة ونطبق عليه الظرف التاني والكورة التالتة نفردها وندهنها ونحط اللي طبقناهم جواها وهكذا لما نخلص 3 أو 5 كور حسب الحجم اللي عايزينه.
- نسيب الفطيرة ترتاح شوية وبعدين نفردها وندخلها فرن حامي جداً لحد ما تستوي وتاخد لون ذهبي جميل وأول ما تطلع من الفرن ندهنها زبدة ونغطيها.
- ممكن نسويها في الطاسة مع مراعاة تغطيتها وتقليبها على الجهتين واول ماتنزل من على النار تتدهن زبدة وتتغطى عشان تفضل طرية وبالهنا والشف



 لانكشير 




المقادير:
كوب ونصف دقيق
نصف كوب نشا
نصف معلقه صغيره بيكنج بودر
رشة فانيليا
نصف كوب سمنة مذابة
نصف كوب سكر بودرة
بيضة
رشة ملح
طريقة التحضير:
- في طبق نضيف الدقيق والنشا والبيكينج بودر والملح ورشة فانيليا ونقلبهم كويس مع بعض.
- في بوله نضرب السمنه مع السكر البودرة كويس لحد ما القوام يبقى كريمي وبعدين نضيف البيضة ونحرك لحد ما البيضه تختفي وبعدين نضيف خليط الدقيق، ونخلطهم كويس لحد ما العجينه تكون سهلة التشكيل.
- نشكل العجينة على شكل كرات صغيرة قد حبة البندق، ونرصها في صينية مدهونة زيت بسيط وندخلها الفرن على درجة حرارة 200 لحد ما لونها يبقى ذهبي فاتح.
- نطلعها من الفرن ونسيبها تبرد خالص ونحشيها بالنوتيلا او المربى او الشوكولاتة المذابة ونلزق كل 2 مع بعض وممكن نزين الحواف بالفارماسيل او المكسرات المجروشه وممكن تزينه بالشوكولاتة المذابه ونرشه بالمكسرات او الفارماسيل.
- ملحوظة : لو عايزين اللانكشير ملون ممكن نقسم العجينة لجزئين او ثلاثة ونحط على كل جزء نقطة واحدة من أي لون من الالوان الصحية ونحط على الجزء التاني نقطة من اي لون تاني وهكذا وبعدين نشكل كور من كل لون
ونلزق واحدة باللون الأحمر مثلا مع واحده باللون الازرق

ياسمين محمد
تعليقات



حجم الخط
+
16
-
تباعد السطور
+
2
-